Хамтран ажиллах санамж бичигт гарын үсэг зурлаа

"Гэрэлт Очирваань" ХХК өнөөдөр /2022-03-15/ ШУТИС-ийн Геологи, уул уурхайн сургуультай хамтран ажиллахаар санамж бичигт гарын үсэг зурлаа.

"Гэрэлт Очирваань" компанийн Захирал И.Мөнх-Од, ШУТИС-ийн ГУУС-ийн захирал, дэд профессор, доктор (Ph.D) К.Хавалболот нар санамж бичгийг баталгаажуулан солилцов.

Уул уурхайн салбарын инженер мэргэжилтнүүдийг бэлтгэн гаргадаг энэ сургуультай дунд хугацаанд хамтран ажиллаж, харилцан дэмжлэгтэйгээр цаашид үйл ажиллагаа явуулах юм. Тухайлбал:

• Уул уурхайн багш, оюутан, судлаач, эрдэмтдийн шинжлэх ухааны судалгаа, практик ажилд дэмжлэг үзүүлэх,
• Нийгмийн хариуцлагын хүрээнд санаачилсан аливаа арга хэмжээ, үйл ажиллагааг хамтран зохион байгуулах зэрэг нийт 8 чиглэлийг санамж бичигтээ тусгаж, баталгаажуулсан билээ.

"Гэрэлт Очирваань" компанийн хамт олонд

ажлын өндөр амжилт хүсье