“Монголын геологийн асуудлууд” эрдэм шинжилгээний олон улсын хурал боллоо

“Монголын геологийн асуудлууд” эрдэм шинжилгээний олон улсын хурал Монголын Геологийн Холбооны 20 жил, Монгол Чехийн геологийн хамтын ажиллагаа, Шинжлэх ухааны гавьяат зүтгэлтэн, Шинжлэх ухааны доктор, профессор О.Гэрэлийн хөдөлмөрийн алдарт зориулжээ. Монголын геологийн асуудлуудыг олон талаас нь авч үзсэн судалгааны шинэлэг мэдээлэл, дүгнэлтүүдийг Монгол Чехийн эрдэмтэн, геологичид гаргаж тавьснаараа сонирхолтой, ач холбогдолтой боллоо. Монголын геологийн сургуулийг үндэслэгчдийн нэг, нэрт эрдэмтэн, багш О.Гэрэлийн хагас зуу гаруй жилийн сургалт, судалгааны их хөдөлмөр, түүний 75 насны ой тохиож байгаад олон шавь нар, эрдэмтэн, багш нар бүтээлээ зориулж байлаа.