Оюу толгой ХХК-ны ИТА нар Уул уурхайн салбарын “Real solution” багийнхантай “хамтарсан судалгааны төсөл”-ийн онлайн хэлэлцүүлэг хийв.

2017.05.01

2016-2017 оны хичээлийн жилийн хаврын улирлаас Оюу толгой ХХК-ны хүний нөөц ба ур чадвар хөгжүүлэлтийн хэлтэс, баяжуулах үйлдвэр, ГУУС-ийн Уул уурхайн салбартай хамтран бакалавр оюутнуудын төгсөлтийн ажлын чанарыг дээшлүүлэх, оюутнуудын ур чадварыг нэмэгдүүлэх, практик мэдлэг олгох зорилгоор “хамтарсан судалгааны төсөл”-ийг туршилтын журмаар хэрэгжүүлж эхлээд байна. Уг төслийн багийн бүрэлдэхүүнд уул уурхай салбарын оюутан О.Эрдэнэбаяр /АМБТ-4/, Ж.Эрдэнэбаяр /УУЦТТА-4/, Б.Худабай /УУЦТТА-4/, О.Лувсан /УМТТ-4/, А.Ганбат /УМТТ-4/, Б.Анхбаяр/УМТТ-4/ нар багтаж байгаа бөгөөд удирдагчаар ахлах багш Г.Ганбилэг, Ч.Зэндмэнэ, Я.Доржсүрэн нар ажиллаж байна.

Төслийн багийнхан судалгааны ажлын явцаа танилцуулан, зарим үр дүнг хэлэлцүүлэх зорилгоор Оюу толгой ХХК-ны ИТА нартай онлайн хэлэлцүүлэг хийв. Уг хэлэлцүүлэгт төслийн багийнханаас гадна УУСалбарын эрхлэгч К.Хавалболот, Оюу толгой ХХК-ны ахлах менежер Л.Удвал нар оролцлоо.