АНУ-ын Пенсильванийн Их Сургууль болон ШУТИС хамтран олон улсын семинар зохион байгууллаа
Эрдэс баялаг, эрчим хүчний эдийн засаг, менежмент, хууль эрх зүй, тогтвортой хөгжлийн хүрээнд ШУТИС-ийн Геологи, уул уурхайн сургууль нь АНУ-ын Пенсильванийн Их Сургуультай хамтран “Assessment, financing, and laws for sustainable development of energy and mineral resources globally” олон улсын семинарыг 2025 оны 7-р сарын 7-8-ны өдрүүдэд Улаанбаатар хотноо амжилттай зохион байгууллаа.
Энэхүү семинарт Монгол, АНУ, Украйн, Пакистан, Тажикстан орны эрдэмтэн судлаачид өөрсдийн судалгааны ажлын үр дүнгээ хэлэлцүүлсэн бөгөөд манай орны Аж үйлдвэр, эрдэс баялгийн яам, Монголын газрын тос боловсруулах үйлдвэр ТӨХХК, ШУТИС, МУИС, Монгол-Германы хамтарсан ашигт малтмал технологийн их сургуулийн эрдэмтэн багш, инженерүүд оролцов.
Семинарын үеэр АНУ-ын Пенсильванийн Их Сургууль болон ШУТИС-ийн Геологи, уул уурхайн сургуулийн хооронд хамтын ажиллагааны санамж бичиг байгууллаа.
ГУУС