БНСУ-ын Чонбук Үндэсний Их Сургуулийн 2025-2026 оны хичээлийн жилийн хаврын улирлын оюутан солилцооны хөтөлбөрт хамрагдахыг урьж байна.

Ерөнхий мэдээлэл:

• Солилцооны хөтөлбөрийн товч мэдээлэл /[JBNU] 2026 Fact Sheet for Students and Partner Universities/

Төлбөр болон дэмжлэг:

• Сургалтын төлбөрөөс 100% чөлөөлнө
• Амьжиргааны мөнгө суралцах хугацаанд зөвхөн нэг удаа 500,000 вон олгоно.
• 7 хоногт 20 хүртэлх цаг ажиллах эрхтэй
• Оюутан өөрөө ирэх,очих онгоцны зардал болон дотуур байрны төлбөрөө хариуцна. (Дотуур байрны төлбөр 800,000 вон бөгөөд үүнд Даваа-Баасан гарагт өдрийн 3 удаагийн хоол багтсан.)

Тусгай нөхцөл: УБ хотын БЗД болон Чонбук Үндэсний Их сургуулийн хооронд байгуулсан санамж бичгийн дагуу БЗД-т оршин суудаг эсвэл ШУТИС-ийн Мэдээлэл, холбооны технологийн сургуулийн оюутан энэхүү солилцооны хөтөлбөрт хамрагдсан тохиолдолд 1 сая төгрөгийн онгоцны зардлын хэсэг болгон олгоно. Гэрээгэнд дарж харна уу.

Шаардлага:

1. ШУТИС-ийн бакалавр, магистр, докторын түвшний идэвхтэй төлөвт суралцаж буй суралцагч байх
2. Магистр, докторын түвшний суралцагч Чонбук Үндэсний Их Сургуулийн багшаас авсан тодорхойлох захидал хавсаргах шаардлагатай
3. Аливаа хэлний шалгуур байхгүй боловч Англи эсвэл Солонгос хэл мэддэг байх нь давуу тал болно.

Бүрдүүлэх материал (бүх материалууд англи хэл дээр байх)

1. Өргөдлийн маягт (2025 оны 12 дугаар сарын 10-ны дотор энд дарж бөглөнө үү)
2. ШУТИС-ийн багш, профессороос авсан тодорхойлох захидал
3. Сургуулийн тодорхойлолт
4. Албан ёсны дүнгийн хуулбар /улирал тус бүрээр гаргасан байх/
5. Суралцах төлөвлөгөө /study plan/
6. Гадаад паспортын хуулбар
7. Цээж зураг (цагаан дэвсгэртэй, 3.5х4.5 хэмжээтэй)

Суралцах хугацаа: 1-2 улирал

Өргөдөл хүлээн авах эцсийн хугацаа: Бүрдүүлсэн бичиг баримтыг Гадаад харилцааны албаны (ГХА) мэргэжилтэн М.Болортуяад эх хувиар ирүүлэхээс гадна bolortuya@must.edu.mn хаягт 2025 оны 12 дугаар сарын 09-ны өдрийн 11:00 цагаас өмнө илгээнэ.Жич: Энэхүү хөтөлбөрт суралцах хүсэлтэй оюутан нь ШУТИС болон Чонбук Үндэсний Их сургуулийн хооронд байгуулсан санамж бичгийн дагуу зөвхөн ГХА-д материалаа ирүүлж гэрээ байгуулснаар хамрагдах боломжтойг анхаарна уу. Тодруулах зүйл байвал ШУТИС-ГХА – 11329081 М.Болортуяа холбогдоно уу.

Гадаад харилцааны алба