"Гэрэлт-Очирваань" ХХК нь  Геологи, уул уурхайн сургуулийн бакалавр болон магистр, доктор оюутны эрдэм шинжилгээний хурлыг ивээн тэтгэлээ

"Гэрэлт-Очирваань" ХХК-ийн 2 дахь жилдээ ивээн тэтгэсэн Геологи, уул уурхайн сургуулийн 2022-2023 оны хичээлийн жилийн бакалавр, магистр, доктор оюутны эрдэм шинжилгээний хурал 2023 оны 03-р сарын 20-23нд амжилттай зохион байгуулагдаж өндөрлөлөө.

Бакалавр оюутны Эрдэм шинжилгээний хурал хоёр үе шаттайгаар зохион байгуулагдсан. Нэгдүгээр шатанд Газрын тос, өрөмдлөгийн салбар, Геодезийн салбар, Геологи, гидрогеологийн салбар, Уурхайн технологийн салбар, Эрдэс боловсруулалт инженерчлэлийн салбаруудын хэмжээнд нийт 34 оюутны 20 илтгэл, магистрын нийт 29, докторын 9 илтгэл хэлэлцүүлэгдэж, хоёрдугаар шатанд салбар бүрээсээ шилдгээр шалгарсан бакалавр оюутны 9 илтгэл, магистрын 8, докторын 5 илтгэл хэлэлцүүлэгдсэн. Судалгааны ажлын шинэлэг тал, ач холбогдол, үр өгөөж, бичиглэлийн стандарт, илтгэх ур чадвараар дүгнэн байр эзлүүллээ.

Хуралд амжилттай оролцон шалгарсан оюутнууддаа, удирдагч багш нартаа, нийт оролцсон оюутнууддаа баяр хүргэж, цаашдын сургалт, судалгааны ажилд нь амжилт хүсье.

#GereltOchirvaani#GOparts#CTP#ШУТИС#ГУУС#MUST

ГУУС